كلية الاقتصاد والعلوم السياسية

Faculty of Economics and Political Science

جامعة القاهرة

Cairo University

اسرة 4P

الموقع الرسمي لكلية اقتصاد وعلوم سياسية 

اضغط هنا  

الرابط الخاص بصفحة اسرة 4P علي الفيس بوك 

اضغط هنا  

مفتاحية :
كلية الاقتصاد والعلوم السياسية , سياسية واقصاد , شعار كلية الاقتصاد والعلوم السياسية , جامعة القاهرة , شعار جامعة القاهرة ,
feps logo , Cairo university logo , موقع كلية الاقتصاد والعلوم السياسية , فيبس , الموقع الرسمي لكلية سياسية واقتصاد

كتبت :- تقي عادل - الفرقة الرابعة - اقتصاد

(فصلونى)

خلصت الثانـــويـة
بمجموع عــــدى 95%
ودخلت احسن كلية
 اقتصاد و علوم سياسية
كُتب كتير انا ذاكرت
ورا الدكاترة كتـــبــت
وياما حاجات كبيرة لخصت
فى مشاريع ياما انا تعبت
ووقت ما غيرى ناموا انا سهرت
كنت ماشى عالرصيف
لحد ما فى يوم وقعت
يوم ما قالولى انا اتفصلت
وجريي ورا الحــلــم
عمره ما هيبقى عـــلــم
أمل ابويا وامى ضاع بجره قلم
عايز أصرخ بس صوتى اتكتم
بكلمة منهم  مليانة ظلم
قالولى انـــــــا اتفصلت
كأنى بكلــــمة اتقتلت
وانا  اللى عمرى ما فى يوم ظلمت
قتلوا حلمى فى المهد
كليتى كنت بيكى فخور
لحد ما رميتينى من اعلى دور
ذنبى ايه فى حكم جور
دفن حلمى فى القبور
طب ادونى فرصة عشان ادافع
مترمونيش فى لحظة فى الشارع
بيقولوا جرمى أعمال شغب
وعمر ايدى ما مسكت غير الكتب
لسانى عمره ما خرج عن الادب
وبصرخ بأعلى صوت
على كل ظالم قادر يارب

كتب :- السعيد خضر - الفرقة الرابعة - سياسة

من انا

انا من سحق الايام وقهر الزمـــــــان            ولم يبك يوما على الاطـــــــــــــــلال

انا من انحنى جبينه للرحــــــــــــــمن            ولم يركع يوما لانســــــــــــــــــــــان

انا من صارع من اجل الوصول لليقين            ولم يركن يوما الى اى حيـــــــــــــــن

انا من واجه الحياة القمعية والاستبدادية           ولم يرضخ يوما للعبوديــــــــــــــــــــة

انا من عاش حياة المشقة منذ سنـــوات            ولم يركن الى حياة التفهــــــــــــــــات

انا من تحمل مآسى الحيـــــــــــــــــــاة             حتى يصل الى سلم النجـــــــــــــــاة

انا من ذاق من الزمان قسوتـــــــــــــه              ولم اعرف يوما طريقا لحنيتــــــــــه

انا من تحدى جميع ملذاتــــــــــــــــــه              من اجل ان يحقق ذاتــــــــــــــــــــــه

انا من حقق غنى القلــــــــــــــــــــوب              دون ان يصل الى ثراء الجيــــــوب

انا من اعطى بالحب معنى الحيــــــاة               فى غير معصية للـــــــــــــــــــــــــه

انا من حين نطق لسانـــــــــــــــــــــــه     صغت اذان العظماء وارتعدت قلوب الحقراء

انا من عجزت الاساطير والروايـات          ان تعبر عن حياته من المولد الى الممـات

رسمتها دينا فايد

 كتبت :- دينا رحومة فايد - الفرقة الرابعة - سياسة

نبض....كل حاجة في حياتنا ليها نبض ما بين الصعود و الهبوط و هكذا ترسم الحياة! حتي اﻻبتسامة الحرة اثيرة للنبض.... السعادة في قلب اﻻنبساط و الحزن في حضن اﻻنقباض حتي الدمعة البريئة نتيجة .....تتامل تتسال انا الفاعل و ﻻ المفعول !؟ يمكن حيرتي صيغة مبالغة و ﻻ مضاف اليه للحال رمادي؟! الرفع و النصب و الجر هم انغام اﻻقدار لعزف اوركسترا الحياة !

كتب :- ابانوب اشرف - الفرقة الثالثة - سياسة

طَفلْ وعِِينَه دايبه مِن الوًجْع
 وكَأنه فِى جُوف البحْر ودعْ
بكفَّه رعشه وبِحُضْنه نَسِْيم الهَوَا
 ومِين يِشْفِِى علَِّته ولَو جَاله الدَوَا
كان يَاكل مِن هُوج الزبَاله
 وال لازم يِشُوف.. مشْ كفايهْ
حتى لَو طَرشُه......السَمَعْ
كانت عِزوته شِويه عِيالْ
ومين يسَتحمل ال فيه إلا الجَِبَالْ
 غريِبَه ليِكى يا بلَدْ
 كل ال فيكى هدّه الجَلدْ
فيكى القَمر شَقَه الليل ...فَصَبَحْ هلالْ
فيكى العُمْر شَال عَلىَ.. كِتفُه اهوَالْ
انا الَخير ال فِيكى
انا الصَبر ال فى ضلوُعِك بيدفيكى
انا ال اتسْحَلت علىَ ارضكْ...لأحيكى
انا جدورك من الاسَاسْ
انا الى الطّلقه خانتنى .....انا القناص
 انا ال قلتْ الله واكبْر ....ومتْ بِرصَاصْ
 وفى الاخَر اسَرح ويا جُوعك
وتَعْجْزيِنى لاجل تصعبى عَليّ... بِدْمُوعَك
 انا ال سِبت عُمرى علىَ حِجْرك ...ومَعْجْبكِيش
والخير فيكى بيِطبطبْ ....ومبيكفِيشْ

 كتب :- إبراهيم نصر أحمد - الفرقة الرابعة

ان شهر رمضان انا ارى فيه الكثير من الرحمات و البركات و السلام  التلاحم بين الناس و لكن هناك ظاهرة اصبحت لا اعلم هل ظاهرة ايجابية ام سلبية ؟ اجد ان وجودها اصبح متطورا تطورا سريعا خصوا في هذا الشهر و بوسائل حديثة يتم فيها استخدام الصحف و الاعلانات على شاشة التلفزيون و شبكات الانترنت و مواقع التواصل الاجتماعي الا و هي كثافة الجمعيات و المؤسسات التي تجمع التبرعات و لكني اتسأل هل هناك مصدقية لهذه الاعلانات للذي يشاهدها ؟هل هناك ثقة بين المبترع و المؤسسة التي يتبرع لها ؟ هل هناك استفادة من اموال المتبرعين بكفاءة ؟ انني ارى ان هنا مستشفى 57برغم انها بنيت و تم تشغيلها بأحدث الاجهزة و تبرع لها  الكثير من الفنانين و الاعلامين و لاعبين الكرة و المشاهير و الامراء من دول الخليج و افراد الشعب ايضا و مازالت تتطالب بتبرعات من خلال اعلاناتها و حسابها في البنك .لكن هناك سؤالين اين كل هذه الاموال ؟ و لو استنفذت الاموال بالفعل ...هل ستظل المستشفى تعيش على التبرعات ؟ انه من المؤسف ان هناك تشتت واضح لمن يريد ان يتبرع لوجود اكثر من 30 حساب بنكي و اسلوب ( الزن على الودان امر بالسحر ) هو السائد في الاعلانات جميعها و كأنها سلع . ان وجود حساب بنكي واحد لكل هذه المؤسسات و اعلان واحد اوفر لهم و افضل للمتبرع لأنه يعطي مصداقية و شرعية لجمع التبرعات لتلك الجمعيات .ان الدولة ايضا بدلا من انها تنفق الكثير على البنية التحتية و بناء المستشفيات جديدة من الممكن ان تدعم تلك المستشفيات على سبيل المثال مستشفى د/مجدي يعقوب و لكن ادولة نفسها تجمع تبرعات و عجبي و هذه مسئولية دستورية للدولة هذا لا يعد دعم و لكنه من باب ضمان صحة المواطن وايضا اريد ان اعلم كل هذه المسلسلات في رمضان بملايين الجنيهات و لا يجد هناك من يدعم مشروع زويل !!!! اين القوانين التي تقضي على هذا الاستخفاف اننا نمتلك المال من اجل الفن الهابط و لا نجد من اجل بناء مؤسسة علمية . في النهاية اريد ان يكون هناك جهة رقابية مستقلة عن المؤسسات لكي نعلم اين تذهب هذه التبرعات و لكي يضمن كل متبرع اين يذهب المال الذي يتبرع به و يكون هناك ثقة و ضمان من اجل معرفة جدوى التبرعات ..اذا كان الاسلام امرنا بصدقة حسنة و ان نزكي لكن لابد ان تصل صداقاتنا و زكاتنا الى من يستحق و لا تقع في ايد من لا يستحق .

كتبت :- تقي عادل - الفرقه الربعة - اقتصاد

اه يا مستنى النتيجة و تعبان
درجة الاقتصاد الدولى هتجيبلك جنان
داخل الامتحان و المادة فى جيبى
ومطمئن ان الامتياز هوا تقديرى
وحليت السؤال الطويل و سيبت القصير ع عينى
قولت القصير اكيد فيه تيركة
حليت الطويل عشان أضمن المادة
قولت دى مادة عبيطة وسكتها سالكة
ودى أكتر مادة الواحد ذاكرها
وكان فيه اسبوع قبل ليلتها
وخرجــــنــــــا من الامتحان
منفوخين اوى ورجل ع رجل كمان
ويجى يوم النتيجة وتفتح الميل
تقوم المادة تقولك شيل ياخويا شِال
والامتياز قــــوم ودعـــــــــه
و ريقك بعد المفـاجــــــأة ابلعه
بعد ما حليت السؤال الطويل
وقول حسبى الله و  نعم الوكيل

كتبت :- بوسي يوسف - الفرقة الثانية - سياسة

ابعث لى روحى التى فقدتها
بهجتى التى حلمت دائما بها

ابعث لى حياتى التى قتلت
و ثقتى فى البشر التى خذلت

طمئن قلبى بجبك
اوعدنى ان سكنى قلبك

ارجوك لاتقتلنى بالنفاق
فالاتخون و تقول انى مشتاق

ارجوك لا تطفئ شمس الحب التى انتظر اشراقها
فلا تحرمنى من عذوبه نورها

فانا ابحث عن الرحمه قبل الحب
عن انسان مقدر قيمه القلب

يرى فى امراته كل النساء
انسان يحبنى يخشى على~ من الهواء

يحبنى اذا اصابنى المرض
و يدللنى اذا حرمنى الله من الولد
فيعشق روحى قبل الجسد

لا يقول لى اصبحتى عجوز !!
فتجاعيد وجهك لا احتملها !
و ساتزوج امراه شابه تداعبنى بأنوثتها !!

و لكن يتامل شعرى الابيض
فيذكرنى بشبابنا عندما كنا نداعب بعضنا و نركض

يتامل تجاعيد وجهى
و يقول لى دمتى حلوتى يا امرأتى

يكون لى عجازى و اكن له سند
و عندما يتوفانى الله يطلب منه الجلد

و عندما نلتقى فى الجنه يحتضنى بصوته ارهقنى البعد
فانتى حور عينى يا اميرتى فى جنه الخلد 

كتبت :- نجلاء الجندي - الفرقة الثالثة - اقتصاد 

اليكي صديقتي
 كتبت في يوم ليها
يمكن علشان اناديها
 او اني اروح ليها
 اصلها راحت وسابتني
وعلي الجنه سبقتني
 مشيت بعيد 
وسبتني تايهه ف عالم غريب
 اتمنيت ف يوم اشوفها
 نمت وحلمت بيها كانت واقفه هناك
 كانت شبه الملاك
  بتندهلي وبتقولي
 بالحلو افتكريني
 وبكل العذاب انسيني
وبتوعدني انها ف الاخره مش هتسبني 
صحيت وانا ببكي
  ومسكت صورتها
 وقعدت لوحدي افتكرت كل حياتها
 لحظه وفاتها
 اصدق عبارتها
(لا شيء يبقي للابد)
 صبرها وهي بتفارق الحياه
 رضاها بما قسمه الله
وبقيت انا ف عالم السراب
هو طريقي الوحيد لاتحدث لمن هم تحت التراب

كتب :- مدحت فارس - الفرقه الرابعة - اقتصاد

قلصت مؤشرات بورصة مصر جانب من مكاسبها المبكرة فى ختام تداولات، اليوم الاربعاء، مع تخلي غالبية الأسهم القيادية عن المكاسب الصباحية.
وزاد المؤشر الرئيسي "إيجي أكس 30" بنسبة 0.79% او مايعادل 66.68 نقطة ليصل إلى مستوي 8495.41 نقطة.
فيما ارتفع مؤشر الأسهم الصغيرة والمتوسطة "إيجي أكس 70" بنسبة 0.14% إلى 610.08 نقطة رابحا 0.84 نقطة.
وامتدت المكاسب إلى المؤشر الأوسع نطاقاً "إيجي أكس 100" ليربح 0.29% تعادل 3.07 نقطة وصولا إلى 1072.25 نقطة.
وجري التداول اليوم على أكثر من 176 مليون سهم بقيمة جاوزت 726.19 مليون جنيه من خلال 22.6 الف صفقة منفذة، فى حين بلغت القيمة الإجمالية للسوق متضمنه المتعاملون الرئيسيون وسوق نقل الملكية أكثر من مليار جنيه بتداول أكثر من 179 مليون سهما، وبلغ رأس المال السوقي للأسهم المقيدة 489.03 مليار جنيه.
ومالت تعاملات الأجانب نحو الشراء بعد ان حققو مشتريات بقيمة 191.5 مليون جنيه مقابل مبيعات بقيمة 64 مليون جنيه بصافى شرائى 127.5 مليون جنيه. فيما حقق المصريين والعرب صافى بيعي بنحو 116.4 مليون جنيه و 11 ملايين جنيه على الترتيب.
وقال مؤمن الشيال، مدير إدارة البحوث الفنية لدي الجزيرة للوساطة :"انتعشت المؤشرات المصرية خلال تداولات اليوم مع بدء ظهور اشارت الشراء للمستثمر قصير الاجل".
وأضاف الشيال، فى افادة لـــ"مباشر" عبر الهاتف :"يكون المؤشر الثلاثيني حاليا شكل سعري محتمل وهو المثلث الصاعد والذي سوف ينتهي بإختراق مستوى 8850 لأعلى ليحدد مستهدفا جديدا بالقرب من 10000 نقطة أما عن إختراق مستوى 7950 نقطة لأسفل فسوف يشير إلى فشل الشكل السعري ويستكمل المؤشر طريقه إلى منطقة 7200-7000 نقطة".
وتابع:" بدأت مؤشرات الزخم في إظاهر إشارات إيجابية مؤكدة للنظرة الإيجابية للمؤشر على المدى القصير". واستدرك :"ننصح المستثمر قصير الأجل بالشراء و التخفيف بالقرب من مستوى 8850 نقطة وإحترام مستوى 8300 نقطة كمستوى لوقف الخسائر ,أما المستثمر متوسط الأجل فيمكنه الإحتفاظ و إعادة الشراء مع إختراق مستوى 8850 لأعلى وإحترام مستوى 8175 نقطة كمستوى لوقف الخسائر".
وتصدر الأسهم المرتفعه سهم بيراميز بنسبة 8.97% إلى 22.95 جنيه ثم سهم شارم دريمز بنسبة 8.22% إلى 10.14 جنيه، تبعهما سهم عبر المحيطات للسياحة بنسبة 7.69% إلى 14 سنتا.
فيما جاء على رأس الأسهم المتراجعه آراب ديري بنسبة 10% إلى 68.04 جنيه ثم سهم جى بى أوتو بنسبة 5.79% إلى 31.09 جنيه، تبعهما سهم ممفيس للأدوية بنسبة 2.93% إلى 13.59 جنيه.

‫#‏المصدر‬: خاص مباشر

كتبت :- نرمين دويدار- الفرقة الرابعة

واتفق العرب علي الا يتفقوا ..
 سابقا.. مع كل ضربة موجهة لغزة من الصهاينة كنت اشعر بالأسي والنزيف الداخلي علي سفك دماء العرب والمسلمين من قبل اعداء الانسانية, وكان حزني هذا يرجع الي شعوري بالعجز عن الدفاع عنهم واستخدامي لقلبي ولساني فقط في دفع المنكر !! ولكن..مع مرور السنوات بدأت اشعر بنوع من التبلد حيال القضية الفلسطينية, فمثلا..في هذه الايام تتعرض غزة لأعنف الضربات من اليهود, واجد الجميع منقسمين حولي الي قسمين..
الاول : ينفطر قلبه عليها.
اما الثاني : لا يبالي لما يتعرضون له مقنعا نفسه بأنهم "اخوان ويستاهلوا" ! اما عن حالة التبلد التي اصابتني تجاه القضية لا ترجع الي كوني فقدت انسانيتي ولكن ترجع الي نظرتي لمجتمعنا العربي في الاونة الاخيرة..كيف اعاتب الصهاينة الكفرة علي سفكهم دماء الفلسطنين ونحن كعرب في كل يوم وفي اي لحظة يباح دمائنا من حكامنا؟! وكلما اعترضنا علي ظلم معبن قابلونا بالتشكيك والتخوين والعمالة من الخارج ؟! كيف يمكن ان نتوحد من اجل القضية الفلسطينية وكلا منا متفرق؟! لقد فقد العرب كرامتهم وعزتهم واستبيحت دمائهم في الداخل والخارج عندما : " اتفقوا علي الا يتفقوا ".

كتبت :- تقي عادل - الفرقة الرابعة - اقتصاد

(أثناء المذاكرة)

عن الاقتصاد الدولـــــــى
عن المــــــــــلل الدورى
عن نظريات عفى عليها الزمن
و مطالبين نذاكرها بدون كلل
ادم سيمث و ريـــــــــكاردو
دول ليهم فى الاقتصاد الفضل برضه
بس دول من قرون فـــــاتت
ولسه كلامهم ف الكتب باهت
ف اقتصاديين غيرهم اتولدو
غير جون و دافيد ريـــكاردو
ما تعدلوا الكتب بـــــقـــــى
دماغتنا مــــــــــــش مكتبة
علمونا اللى يــــفـــــــيـدنا
مش نظريات من ايام جدودنا

كتبت :- مي محي عجلان - الفرقة الثانية - سياسة 

ملعون ابوكى شغلانه
بتعمل ايه !؟
بتصور ايه ؟!
صحفى ايه ؟!
جرنال ايه ؟!
ملعون ابوكى شغلانه
ذلنا فيها معاكى
ضرب اهانة ودم وقتل
تخوين وعمالة وسجن وخطف
ايوه يا باشا انت معايا
اكسر كاميرا اضرب طلقة
قول تصريح قول ترخيص
سخن اشحن احشد قوى
برده هصور وانقل حق
الواااااا يا فندم انا اتمسكت
الوااااا يا فندم انا اتخطفت
الواااااا يا فندم انا اتقتلت
يرد يقول حاضر طيب هبعت حد يغطى مكانك
تبعت حد يغطى مكانى !!!
طب فندم مين استاذ مين نقيب مين ؟!
انا اتخنقت !!!!
مسحول انا فيكى و مفلس
بس بحبك وهفضل اكمل
حتى لاخر دقة قلب
ملعون ابوكى شغلانه
ذلنا فيها معاكى

كتب :- ابراهيم نصر احمد - الفرقة الرابعة

في يوم وقع في يدي كتاب بعنوان (الكبائر)  قرأت الكثير من الكبائر ولكنني وجدت كبيرة بعنوان نشوز المرأة عن زوجها في هذه الكبيرة تأملت علاقة المرأة بالرجل و ما يحيطها اليوم من كثير من الوقائع و الأحداث ووجدت ايام الاسلام تقدير شديد للرجل من المرأة ووجدت ايضا حب و عطف من المرأة للرجل من بداية الخليقة حتى الأن و تأملت اليوم ارتفاع مؤشرات الطلاق و العزوف عن الزواج و ارتفاع العنوسة و الصراعات و التحديات التي يفرضها الواقع اليوم وجدت ان الاسلام امر المرأة بأنها لا تتكبر على زوجها و لا المعيشة التي يضمنها لها وان لا تتطالبه بما لا يقدر عليه و لا تعيبه بقبح فيه و ايضا هو عليه ان يحسن اليها و يكون مسئول عنها مسئولية كاملة و يضمن حمايتها وسعادتها. وجدت في هذا الكتاب اقوال جعلتني في غاية الاندهاش مثل قول السيدة عائشة عندما قالت / يا معشر النساء لو تعلمن بحق ازواجكن عليكن لجعلت المرأة منكن تمسح الغبار عن قدمي زوجها بخد وجهها ... هذا القول اذا كان يدل فأنه يدل على حب جارف لدرجة وصلت الى شئ مستحيل ان يحدث في عصرنا هذا .ويقول رسول الله صلى الله عليه و سلم : (ايما أمرأة ماتت وزوجها راضي عنها دخلت الجنة )  صدق رسول الله عليه الصلاة و السلام ..ما اعظم الاسلام الذي جعل تلك المودة و الرحمة و لكن اين نحن من هذا الأن ؟ والله الأن لا نحتاج الى كل هذا الحب و لا نحتاج الى ان تمسح المرأة بخدها الغبار عن قدم الزوج ولكن نحتاج الى جزء من العطف و معرفة الحدود الحقيقة لهذا العطف وهناك حديث يبين هذه الأشياء قال رسول الله صلى الله عليه وسلم اربع نساء في الجنة أمرأة عفيفة طائعة الى الله ولزوجها وصابرة قانعة باليسير وذات حياء ان غاب عنها حفظت نفسها و ان حضر مسكت لسانها عنه و اربع اللواتي في النار أمراة بذيئة اللسان على زوجها ان غاب عنها زوجها لم تصن نفسها و ان حضر اذته بلسانها ....الى اخر الحديث.. صدق رسول  الهدى و الرحمة محمد عليه افضل الصلاة و السلام حتى لايكون حديثي على النساء فقط ايضا الرجل لابد ان يحصن الى أمرأته و ان يصبر عليها ايضا ان وجد من سوء في بعض الاحيان سأختم بقصة طريفة لعمر بن الخطاب رضي الله عنه كان راجل ذاهب اليه ليشكو من سوء خلق زوجته فسمع من على الباب أمرأة عمر تستطيل عليه بلسانها و تخاصمه برغم من ان عمر معروف بشدته و صلابته لكنه سكت و الرجل تفاجأ من هذا التصرف فخرج عمر فوجد الرجل على الباب قال عمر ماذا تفعل يا رجل ؟ قال جئت اشكو اليك من زوجتي و جدتك ايضا مثلي ..ما هذا يا امير المؤمنين ؟ قال له عمر : انها طباخة لطعامي و خبازة لخبزي وغسالة لثيابي و مرضعة لأولادي فأنا لابد ان احتملها و عليك ان تحتملها ايضا . في النهاية ان اول الطريق الذي من ان الممكن ان يجعلنا نحافظ على استمرارية اي علاقة في الكون عندما نعترف بأخطائنا و نغيرها و الأعتراف نصف العلاج و تغير الخطأ الى الصواب النصف الأخر و في هذه الأيام الرمضانية ادعو لكم ان الله يرزقنا الزوجة الصالح لكل رجل صالح و الزوج الصالح لكل أمرأة صالحة .

رسمت :- دينا رحومة فايد - الفرقة الرابعة - علوم سياسية

بقلم :- تقي عادل - الفرقة الرابعة - اقتصاد

أمـــرك عـــــــجــــــــب
بتسأل عن اللى عالجبين انكتب
ما ترضى بيه من غير سبب
دا الرضى أغلى من الدهب
ـــــــــــــــــــــــــــــــــــــ
يمكن الليل باين حالك
والكل فيه هالــــــــك
لكن الفجر راح يشقشق
وتلاقى الطريق سالك
ــــــــــــــــــــــــــــــــــــــ
سألنى زمـــــــــــــــــانى
ليه بتضحك وانت من جوا بتعانى
رديت و قولت يمكن اخرة العند
الفرح يعرف عنوانــــــــــى
ــــــــــــــــــــــــــــــــــــــ
وشوشنا مبتســـــــمة
و قلوبنا حزينــــــــة
لاعارفين الزمن ايه مخبيلنا
ولا ع فين موديــــنــــا
ــــــــــــــــــــــــــــــــــــــ
ولاقيت فانوس و دعكته
و طلعيلى جنى و سألته
تعرف تعدينى الامتحانات
قال دى محتاجةجني محضردراسات
ــــــــــــــــــــــــــــــــــــــ
انا اللى بضحك غيرى وجوايا حزين
ولأجل غيرى كان دمعى بيسيل
ويا ما قضيت اكتر من ليل طويل
أفـــــرح غيرى بكتابة مواويل
ــــــــــــــــــــــــــــــــــــــــ
والضحكة تظهرعالــوش
والقلب يقول معلـــش
بكرة راح تفرفــــــش
بـس خلى قلبك ميشيلش
ـــــــــــــــــــــــــــــــــــــــ
والله الصعب راح يـهـــون
طول ما انت لربك ممنون
فى الســــراء و ما دون
الذى يقول كـــن فيكون
ـــــــــــــــــــــــــــــــــــــــ
شيل الوجع من قلبك
جفف من تانى دمعك
وانسى شوية حزنك
اضحك للدنيا تضحكلك

كتبت :- إيمان النفيلي - الفرقة الرابعة - اقتصاد

أين الاصدقاء و الخلان؟
أهل أن الاوان ؟
لفرقة الاخوان
أم انها قسوة الازمان
أما تدرون انى قد اصابنى هزيان
لقد افقدتمونى الامن و الامان
وتركتوني في حيرة الوجدان
أين انتى ايها الاوطان؟
أين انتى فقد كثرت الاحزان
لم اكن ادرى ان هذا اليوم أتى
يوم ان ابكى بلا خلان
يوم ان امشى ابحث عن أى مكان
يوم ان اجد الدنيا ضاقت و كأننى بلا عنوان
كنت اسأل نفسى هل يشعر بى اقرب الجيران؟
أخذت أقلب فى هاتفى أبحث عن أى انسان
و عندما لم اجد
تحدثت مع نفسى و كأن قد اصابنى جنان
و انطلقت دموعى و كأنها بركان
لكنى كنت اسأل هل يشعر الخلان؟
أنا على يقين أنهم فى غفلة عما انا فيه من احزان
كيف يمكن ان اجعلهم يتذكرون ما مضى و كان؟          
و هل يمكن ان أعيد اليهم صداقة الاخوان؟
عجبا للأمر فربما نسوا أنى أنا ايمان
و ربما نسوا ان لصداقتنا ازمان
و ربما نسوا أننا سويا فى أى ميدان
لا أخشى الا ان نصبح ذكرى يسجلها الديوان
فارجعى الى الوراء ايتها الازمان
فالعمر ليس به بقيه للبحث عن الخلان .

كتب :- ابراهيم نصر احمد - الفرقة الرابعة

كنت انتقد صديقا لي كان يعامل الأخرين ينوع من الاستهزاء و السخرية و عندما كنت انصحه كان يستهزئ بي ايضا و قال لي : لن اتغير و كان يقدم المبررات اني انا و هو اصدقاء و لابد ان احتمله و كنت اقول له انه يوجد حدود لابد الا يتعداها و ايضا وجدت اصدقاء الغاية لهم تبرر الوسيلة من اجل النجاح يريد ان يصعد على اكتاف الأخرين عندما كنت اقوم بعمل بحث لا يريد ان يشترك معانا و يريد ان يحصل على الدرجة على حساب الأخرين و حين انتقده ايضا يحزن ومنهم ومنهم.... لذلك قررت الا انتقدهم على الرغم من حرصي الشديد على مصلحتهم. و أعرف الكثير من الاصدقاء يبذلون كل الجهد في تغطية أخطائهم و الحقيقة هي ان بعضهم لكذلك حقا .غير ان الجهد نفسه الذي ينفقونه قي محاولة تقديم المعاذير على تقصيرهم هو كاف لازالة العيوب و النواقص .من السهل ان تكون عادات حسنة و عادات سيئة ولكن الصعوبة تكون مضاعفة في التخلص من تلك العادات السيئة و لكن عليك في تخطيطك لمستقبلك ان تنظف عقلك من الحطام و من الافكار و الانطباعات المدمرة التي اختزنتها في عقلك عير السنين .اذا تأملت نفسك سوف تجد الكثير من الافكار البالية و التي تعوقك عن التقدم في مسيرة حياتك بسعادة و التي تجعل هناك رود فعل خاطئة و تؤدي الى التشويش على تفكيرك السليم .ان مستقبلك لا يحتوي الا على ما بنيته في ماضيك ما دمت ترسى الأن الأساس لما سيحدث غدا .فعليك ان تنزع الحجارة الضعيفة من الاساس الا انك ستبني دون وعي هيكلا سينهار و يسقط عليك . لا تدع لأخطائك التأثير على مستقبلك فلا مبرر للفشل طالما فشلت في السابق الا اذا كنت تخشى الفشل و ترى له صورة حية في ذهنك ...امح هذه الصورة من عقلك وضع مكانها صورة سعيدة ناجحة  و توقع تشيتء سارة تحدث من حولك و ابحث عن عن رفق متناغمين معاك و اظهر اهتماما مخلصا لهم و دافع عن حق تؤمن به و درب عقلك الباطن على النتائج الحسنة و كون عالمك التي تستطيع ان تعيش فيه دون معاناة . على الرغم ان هناك بعض الأشياء التي تفاجئنا في الحياة و لكن انا ارى اننا لابد ان نكون واثقين من ارادة الله و حسن تدبيره و ان من الممكن نحب شئ و هو فيه كره لنا و نكره شئ و هو فيه خير لنا فلذلك لا تيأس و احتفظ بعزيمتك القوية و الرغبة في تحقيق النجاح لأنه لا يوجد شئ يمكن تحقيقه الا عندما نجتهد من اجله .

كتب :- مدحت فارس

كنت دوما وحيدا شاردا لا اعرف معنى الحياة
كنت دوما اتمنى حبيبا اعيش معه طول الزمان
كان الحلم يرودنى طول الليل و النهار
و جعلنى اعيش ف عالم من الخيال
جعلنى ارى الطير نجما ويا السحاب
و ارى العصفور لؤلوء ينور الاغصان
و كانت الابتسامة ع وجهى تملأ الاركان
و استيقظت من حلمى ادعى ربى يحقق أملى و امل كل العشاق
و فضلت ادعو عام و التالى
حتى تحقق حلمى و ان ربى عالم برغبة العباد
و اصبح حلمى واقعا اعيش فيه الآن
اعيش مع انسانة تجعل للابتسامة زهرة ف البستان
و اصبح"بالى" يغير من "قلبى"
لان قلبى موطنها و بالى اصبح لسان يحدثها ف اى زمان و مكان
الآن اقدر اقول ان "حياتى" تعرف
معنى الحياة و الابتسامة اصبحت عنوانها و الحب اصبح حارسها و قلبى اصبح قلعتها.

كتبت :- دينا رحومة فايد - الفرقة الرابعة - علوم سياسية

الغروب .. وحدك من جعل القمر و نجومه يغيرون منك و يتعلمون كيف يكون العشق...يسارعون ﻻنارة السماء و لكن تبقي انت وحدك. ! تاثر، تسحر، تغرق........يسعد البحر باحتضانك و يزداد جماﻻ لك و بك.......تشتاق الطيور لرويتك و يصبح الهواء رشيقا. اليك و تتاملك السحب. من. ثنايا سماءها ..... فالجميع يراك وﻻ احد يعشقك مثلي و يغرق فيك. الا انا و يشتاق اليك في وجودك غيري انا ......كل يوم اتوه فيك و كانها المرة اﻻولي و اودعك كانها المرة اﻻخيرة...الفراق.

 

كتبت :- إيمان النفيلي - الفرقة الرابعة - اقتصاد

رسالة الى مصر

عجزتى بدرى ليه يا امايا
مين يا أمى اللى عداكى و عدايا
و راجع يهلل و يقول فداكى و فدايا
مين اللى باع ارضك و كفر الضحايا
مين ارتكب فيكى أبشع الخطايا
أنتوا يا ناس خلاص و لحد كده كفايا
أنا حمشى لوحدى و مش عايزاكم معايا
يلا يا أم الشهيد حطى عليكى العبايه
يلا متأخرين على باب السرايا
جمعنالك هناك أجمل الهدايا
يلا متتأخريش الفيلم ملهوش نهاية

كتب :- مدحت فارس 

لقد اثير فى هذه الايام "قضية الدعم"تعتبر قضية الدعم من أهم القضايا الاقتصادية التي تؤخذ في عين الاعتبار عند مناقشة الموازنة العامة لمعظم الدول وذلك لمعرفة الساسة بأهمية الدعم لدي عامة الشعب. فالدعم من القضايا ذات الحساسية العالية لدي الشعب المصري بالإضافة إلى أنها تمثل عبء على ميزانية الدولة وجزء كبير من مشكلة عجز الموازنة المصرية في السنوات الماضية وحتى الآن.
و سوف نعرف اولا ما المقصود بالدعم:فالمقصود بالدعم من الناحية الإجرائية والعملية هو "القيمة المادية التي يتحملها طرف ما نيابة عن طرف آخر، ليقدم له سلعة أو منتجًا أو خدمة بتكلفة تقل عن تكلفتها الحقيقية لتناسب قدر الإمكان مع قدراته المادية والشرائية"، وفي عالم التنمية المجتمعية وعالم الإدارة والسياسة والحكم هو "مجموعة من برامج التمويل التي تعمل كأداة من أدوات تحقيق العدالة الاجتماعية عبر مساعدة الأفراد والأسر الفقيرة والأكثر تعرضا لخطر الفقر ماديا بصورة مباشرة أو غير مباشرة في صورة سلع ومنتجات وخدمات منخفضة التكلفة".
بدأت مصر بدعم الغذاء في أعقاب الحرب العالمية الثانية، وأخذ الدعم يتطور بإدخاله على الطاقة إلى جانب التوسع في عدد المنتجات الغذائية المدعمة، إلى أن تم تبني برنامج الإصلاح الهيكلي في 1991 والذي نص على ضرورة تخفيض الدعم بسبب تأثيره السلبي المباشر على ميزانية الدولة، حيث وصل إجمالي عجز الموازنة في العام المالي الماضي 2011/2012 إلى 10% من الناتج المحلى الإجمالي بقيمة قدرها 134.4 مليار جنيه، كما أنه يمتص ما يقرب من 30% من إجمالي المصروفات في الدولة. ولذلك فقد أصبح من الضروري تحليل مشكلة الدعم وما تسببه هذه المشكلة من نتائج سلبية مع إيجاد حلول جذرية لها بشكل لا يضر بـمصلحة الفئة المستهدفة منه على الأخص.
وقد عمدت الدولة اليوم على خفض الدعم على الطاقة الذى لا يصل اساسا لمستحقيه وذلك من اجل تخفيض عجز الموازنة حيث انها تراى أن خفض الدعم على البنزين ليصبح سعر بنزين 80،ب 160 قرشًا، وفقا لخطة خفض الدعم عن الطاقة، و من ثم فان الخطة الجديدة ستوفر 41 مليارًا و500 مليون جنيه للموازنة العامة.
نحن اليوم فى عالم يدوره الطاقة و بسبب هذا الخفض ف الدعم سوف يترتب عليه غلاء فى كل شئ و سوف يشعر به الفقر قبل الغنى لذلك على الحكومة مواجهة ذلك الغلاء بوضع تسعيرة محددة لكل المنتجات و ذلك تسعيرة محددة للوسائل المواصلات
بالاضافة الى ذلك رقابة حقيقة من الحكومة لتطبيق ذلك

كتبت :- إيمان الباز

لما تكون متضايق وزعلان وجبت أخرك من الى بيحصل فى البلد و من الى بتشوفه من فساد ودمار وانحطاط أخلاق وتعليم وثقافة,  لما تتأمل وتشوف حال البلد وتحاول ترجع كل المشاكل التى نعاصرها لجذر واحد ومشكلة واحدة سوف تجد أن المشكلة (مشكلة أخلاق أمة).
أصبحنا فى عالم لم يكن لديه أخلاق ولا ثقافة فتشعر وقتها بالحسرة وقلبك يحزن على حال شباب المسلمين ..... عقول فيها هرج ومزح وسقطت الهوية التى كنا نمتلكها و فقدنا هويتنا, أصبحنا أمة اسلام بلا هوية اسلام أصبحنا
مجتمع معدوم الأخلاق.
وفجأة يأتي المخلص يأتي من يعود ببصيص الامل بعدما ذهب .. يقول لك أطمن.. وملخص الرسالة كأنه يقول لك .. لاتحزن ان الله معنا, وتلاقى رسالة فيها هذا طبيعى و لااااازم نقابل حاجات صعبة كثير فى حياتنا لازم نقع ونقوم تانى ولكن مش نيأس أبداااااااا لازم نكون أقوى من أى حاجة ولا للاستسلام أتدرون لماذا ؟؟؟
هنفضل كويسين وهنفضل أقوياء؟؟ لأننا على نهج و سنة نبينا "محمد صلى الله عليه سلم" وهمنا وفكرنا وجهدنا مثل هم وجهد النبى"صلى الله عليه وسلم" هنلاقى كتير وهنلاقى صعب فى حياتنا لازم ... مابالك بأن الرسول "صلى الله عليه وسلم" من عند الله وكان يقابل عقوبات وصعوبات فى طريق توصيل رساله .
يااااارب يجمعنا بنبينا ويارب كلنا نجتهد ونشتغل ونتعب عشان بس أمتنا تكون بخير يارب وتصبح أمتنا خير أمة اخرجت للناس قولا وعملا.

كتبت :- نورهان هشام

مرحبا بكم فى قسم الموضة و يارب تكونوا بخير بما ان القسم دا بيكلم عن الموضة فانا عايزة اوصلكم معلومة كدا عن معنى كلمة موضة ؟...... مش معنى انك تكونى على الموضة انك لازم تكونى لابسة اخر الصيحات و بتجيبى حاجتك من عروض الازياء و تعملى احدث القصات لشعرك مثلا .....مش شرط على فكرة فمعنى انك تكونى على الموضة انك تلبسى الحاجات اللى تناسبك و تناسب لون بشرتك و تختارى الالوان التى تليق بك و ان تلبسى الملابس التى تناسب كل مناسبة و بما ان هذه المجلة خاصة ببنات الجامعة و خصوصا سنة اولى لانهم بيكونوا مشغولين بنوع وشكل اللبس المفروض يلبسوه وخصوصا ان التجربة جديدة عليهم لذا  سيكون كلامى اكثر عنهم و عن نوع الملابس التى يجب ارتدائها .
اكثر الملابس المستحبة فى الجامعة هى الملابس المريحة مثل الجينز و الاشياء القطنية عشان المواصلات و الزحمة و كمان عشان الحر و انتم عارفين الحر عامل ازاى فى الجامعة وازاى الشمس بتكون عمودية على راسنا يعينى علينا و لازم كمان تلبسى فى رجلك حاجات من غير كعب و اذا كان ضرورى لازم يكون مش رفيع عشان ما يتعبكيش و عشان ما يتكسرش منك و تزعلى عليه بعد كدا فالاحسن يكون حاجة مش بكعب عشان تعرفى تتحركى بسهولة وياريت  اللبس يكون بسيط غير مكلف و دا هيكون شكلوا حلو اوى.
ومش شرط تكونى جايبة الحاجة غالية عشان تبقى حلوة فالسعر مش مهم المهم ان الحاجة تكون بسيطة و لايقة عليكى و كمان فى حاجة ان ملابسك بتدل على شخصيتك و بتدى انطباع عنك عند الناس فنصيحة لا تحاولى ان ترتدى مثل احد فقط كونى انتى و بس و اختارى حاجتك زى ما انتى عايزة بس خدى بالك ان انتى فى جامعة هو صحيح فيها حرية بس مش لازم تلبسى اشياء ملفتة للنظر عشان اولا متغضبيش ربنا وثانيا علشان محدش  ياخد انطباع و حش عنك.

بقلم :- خالد الطيب 
أتى الصباح بنوره على هذا الحى الهادئ على أطراف القاهرة، نسيم عليل وسماء صافية..
يومٌ يشجع على الخروج للعمل، وهذا يظهر من حركة الرجال والنساء الذاهبين لأعمالهم..ومن حركة البائعين الذين يُعدون بضاعتهم من خضار وفاكهة..هناك أيضا هذا البيت فى وسط أحد الشوارع، الذى ما إن دقت الساعة الثامنة ...حتى خرج منه شابٌ فى العشرينات من عمره، يرتدى نظارة سوداء وملابس أنيقة ...مر بمجموعة من الشباب، سلموا عليه وسلم عليهم ..ثم سار فى طريقه ناحية المطعم الموجود فى آخر الشارع، دلف إلى الداخل :
- السلام عليكم يا عم حسن
- وعليكم السلام يا شمس يابنى، أأحضر لك ما تطلبه كل يوم؟!
ابتسم شمس وقال له : ولا تنسى المخللات.
أنهى شمس طعامه ثم اتجه إلى جامعته ..هناك التقى به مجموعة من الزملاء، وقف معهم قليلا..واتجه بعدها الى محاضرته، فلاحظ مجموعة من البنات تقف وتنظر له كثيرا..لم يكترث كثيرا وأكمل طريقه..
هذا هو اليوم التقليدى لشمس من بدايته لآخره، ترافقه هذه النظارة السوداء دائما لسبب لا يعلمه أحد غيره ..
أتى اليوم الثانى والثالث ولا شئ يتغير، ولكنه لاحظ أنه كلما اقترب من أحد يتكلم فإنه يصمت حتى يمر ثم تبدأ الهمسات والهمهمات، لذا ففى هذا اليوم نزل فى موعده كالعادة، فرأى مجموعة الشباب الذين يتقابلون للذهاب لمدارسهم، قرر أن يعرف ماذا يقولون عنه..
ذهب فسلم عليهم وسار ولكنه تعمد التباطؤ، فسمع أحدهم يقول " مغرور " ! ، وآخر يقول : هو لحد امتى هيفضل (تِنك) ...استغرب كثيرا من هذه الكلمات ..وتسائل عن سببها، وأخذ يفكر فى الموضوع الذى سيطر على تفكيره حتى وصل للمطعم .. :
- السلام عليكم يا عم حسن، الطلب اليومى المعتاد من فضلك
- حالا يا شمس، والمخللات طازة كمان
- قل لى يا عم حسن،هل ترانى مغرورا ؟
- حاشا لله يا شمس، أنت شاب خلوق ومحترم، وسأكون أظلمك إن قلت مثل هذا
ابتسم شمس وتناول طعامه، فقد أعاد له كلام عم حسن الثقة بنفسه
ذهب للجامعة، قابل زملائه ووقف معهم وعندما تركهم وادعى انه ذهب وهو واقف يراقبهم من بعيد ..سمعهم يقولون :
يظن أنه أنيق و (شيك)، يبدو مظهره بهذه النظارة كأنه شخص أعمى ...وانفجروا فى الضحك،،
ما جعل حاجبيه ينعقدان، فلم يصدق ما يسمع من أقرب زملائه.
اتجه إلى المدرج وهو يُفكر، قابل مجموعة البنات اللاتى يتوقفن لينظرن له ..تركهم وسار قليلا ثم انصت لحديثهم من بعيد :
- يبدو أنه من عائلة كبيرة، فهو يبدو على مظهره، كذلك هذه النظارة التى يرتديها دائما، تجعله أشبه بأبناء
فيضحكون، ثم ترد واحدة منهن :
- ربما من الأفضل لو تتوقفوا عن الكلام فى مثل هذه الموضوعات ،ألا تخجلن لو سمعكن أحد ؟!
لم يتوقف ليستمع لأكثر من هذا...حتى أنه قرر الرحيل وعدم حضور المحاضرة
ذهب للبيت، رقد على سريره.. أخذ يُفكر ويُفكر..لم كل هذا القدر من النفاق، لم يقولون عنى هذا وهم لا يعلموننى كفاية..ماذا فعلت لهم، وماذا فعلت نظارتى الشمسية لهم ؟!
فجأة ، بخار كثيف ملأ الغرفة، استغرب من أين أتى..ولكن بمجرد انقشاعه، رأى ما جعله ينتفض من مكانه واقفا !!
فقد كان هناك شخصا واقفا فى منتصف الغرفة تماما ..كأنه برز من العدم..كانت المفاجأة قوية لدرجة أنها أفقدته النطق ..
شق الرجل الغريب صمت المكان وقال :
-أنا صديق من مكان بعيد، لا تخف منى فأنا هنا لمساعدتك..لك منى الأمان
قال شمس:
- أظنه ليس شيئا عاديا أن يدخل أحدٌ غرفتك وبابها وشباكُها مغلقان
- نعم ليس شئ عادى، ولكننى هنا فى مهمة، أنا أعلم مشكلتك، ولدى الحل لها، أنت تعانى من فهم الناس الخاطئ لك، يُظهرون أمامك شيئا ومن وراء ظهرك أشياء..لذا فأنت تأمرنى وأنا أنفذ لك..
بدأ شمس يقتنع بسرعة غريبة، فكر ثم قال له :
أريد أن يقول الناس عنى كلاما حسنا دائما..أخبره الغريب : لك ما شئت
فى الصباح التالى، خرج شمس كعادته من البيت فى الثامنة، سلم على تلاميذ المدرسة ووقف يستمع لقولهم عنه، فأحدهم يقول ليتنى أصبح مثله والآخر يمدحه ..فعلم أن الأمنية تحققت
ذهب للمطعم، لا تغيير..عم حسن طيب كعادته، لا نفاق هنا
فذهب إلى الجامعة حيث مرتع النفاق والإستغلال ..فبجله زملائه، وأثنت عليه الفتيات وعلى أخلاقه ولم يتحدثوا بشكل مستغل كالعادة ولكنهن ظلوا تافهات فى مواضيعهن ..عدا تلك الفتاة التى أنبتهم من قبل على أقوالهم.. ثم حضر المحاضرة
استمر هذا الحال عدة أيام، فحدثت لشمس حالة من الملل الشديد وتأنيب الضمير على هذه الأمنية، ليس جيدا أن يظل كل الناس يمدحون فيك..بهذه الأمنية أصبح هو من ينافق نفسه وليس هم، وتمنى لو عاد كل شئ لوضعه، فلن يهمه كلام الناس طالما لا يفعل شيئا خاطئا
إنه ليس بحاجة لجني يحقق أمانيه، سيحققها هو !
هنا، شعر بالدنيا تدور به، وعيناه ثقيلتان، فأغمضهما وفتحهما عدة مرات..حتى علم السبب
لقد غرق فى النوم بعد أن عاد من الجامعة وقرر عدم حضور المحاضرة، ثم وضع الطعام على النار ونسيه، وهذا سبب هذا الضباب الكثيف من (شياط) الأكل
اكتشف أن كل هذا كان مجرد حلم، وحمد الله على أنه لم يتحقق..ولكنه تعلم منه الكثير
علم من ينافقه فعلا ومن يعامله بصدق، علم من تنظر اليه لتستغله ومن تحترمه كزميل، من يحترمه أيا كان شخصه ومن يرافقه فقط ليغتابه..والمشترك فى كل هذه الأمور هى النظارة !!
اذا هل النظارة هى التى تسبب لكم كل هذه الحيرة ؟!! حسنا
نام فى تلك الليلة وقد اتخذ قراره..
استيقظ فى الصباح التالى، استعد للنزول..الثامنة إلا خمس دقائق، ارتدى الحذاء، أخذ الشنطة من على المنضدة المجاورة للباب، ثم فتحه وجذبه خلفه برفق،..وقبل أن يُغلق ..مد يده على المنضدة ليأخذ من كان رفيق رحلته وسلاحه الحامى

أخذ النظارة السوداء القاتمة..نظارة شمس !!

كتبت :- دنيا علي 

من أين أبدأ حكايتي، بعض احداثها كنت أظنها طوال حياتي تحدث ف المسلسلات و الافلام، و ليس له وجود علي أرض الواقع و لكن رأيت ما كنت أعتبره مستحيل، أحببت مرة و فقدت مرة و خيل إلي أن لا محالة من العودة و أن القدر قد كتب كلمته الأخيرة، الفقدان كان صعب و لكني تقبلته فمن منا يغير ما يرسمه القدر !! أعتدت علي حياتي هكذا و عندما عاد تقبلت عودته بصدر رحب لم أضع اي توقعات لاي شئ و لكن أحيانا عندما تكف عن إنتظار الشئ يأتيك بمفرده و بإرادته، عاد إلي ما كنت يوما أتمناه عاد إلي بعد أن سكت عن كل شئ، سبحان من يبدل الأحوال من حال إلي حال..كيف للإنسان أن يبدأ في أن يسير في طريق و فجأة يجد نفسه قد حاد عن السير ليلقي به القدر في طريق أخر و ما أن ألقي به القدر في هذا الطريق حتي يتيقن أن هذا هو الطريق الصحيح، هذا هو الطريق الذي كان يحشاه يوما و ها قد أتي!! تغيرت و تعلمت و لكن بقي شئ بداخلي بدون تغير شئ كنت أمحيه بداخلي و أدفنه حتي تيقنت في النهاية أنه لن يدفن كاملا و لم يمحي بعد ! إنما بقي ساكنا ينتظر لحظة يعرب فيها عن وجوده و ينفجر من بركان صمته، إؤمن بالقدر وأؤمن بالنصيب والآن أؤمن أكثر أن الصبر مفتاح الفرج و أن الأيام و خباياها تكشف لنا الكثير و تعلمنا أكثر و أدركت أن الله ما إن كتب لك شئ لا يستطيع أحد أن يسلبه منك و لعل الله قد أذاقنا الحزن لنشعر بقيمة السعادة حينما تأتي..و لعل ذلك يجعلنا ندرك أن الشئ الثمين..فاحمدوا الله

كتبت:- ابتسام سعيد 

كلنا من طلاب سنة اولى الى طلاب سنة رابعة مش بنبطل نسأل الناس اللى اكبر مننا على تجربتهم الفيبساوية ونتبدى نسالهم اسئلة كتيرة اووى وكنتم بتعملوا اية فى الموقف دا؟وطيب والموقف دا ؟طيب والموقف دا ؟ولما الاكبر مننا بيرد علينا بخبراته بنحس اننا اطمنا شوية او على الاقل بقى عندنا علم اننا حنتصرف ازاى ووطبعا الحاجات اللى الواحد بيفضل يسمعها من ناس كتير عن الكلية من انها مفيش شغل وانتم حتشتغلوا اية وواسطة والخ والكلام دا كله.
فاحنا قررنا اننا نروح ونسال خرجين كليتنا وانهم يشاركونا تجربتهم الفيبساوية ويقولونا المفروض نعمل اية وهنا معانا اول تجربة معانا وهى للاستاذ عبد اللطيف فاروق
مبدأئيا هعرفكم بنفسي انا اسمى عبداللطيف فاروق خريج الكلية قسم سياسة تخصص فرعى اقتصاد دفعة 2008 انا بشتغل باحث سياسي فى مجلس النواب المصري - المكتب الفنى للأمين العام وحدة المؤتمرات والعلاقات الدولية انا هكلمكم على تجربتي فى الكلية وبعد التخرج مبدائيا انا اول مجيت الكلية كان فيه مشكلتين اولا انى مغترب ودة مشكلة كبيرة جدا والمشكلة التانية انى عندى طموح كبير بس مش فاهم ابدأ منين الكلية بتاعتنا فيها كم اشاعات مش طبيعية لما دخلت الكلية كنت حابب دراستها جدا خاصة السياسة مع بداية الدراسة بدأت احس انى عاوز اتوسع اكتر ودة النصيحة الاولى متكتفيش بالمقررات الدراسية وبس لازم تقرأ خارج الاطار الدراسة بتديك مبادئ بس والباقى عليك ، فيه مشكلة كبيرة بتحصل لما بتخلص سنة اولى وهى هدخل قسم اية طبعا الكل هينصحك ويقولك ادخل القسم اللى فيه شغل اكتر دة طبعا مش صحيح ادخل القسم اللى بتحبه حتى لو فرصه قليلة من وجهة نظر الناس واجتهد وسيب الباقى بتاع ربنا فيه حاجة مهمة جدا لطلبة الكلية ومهمة عشان تنمى شخصياتهم وهى نماذج المحاكاة والانشطة نماذج المحاكاة والانشطة اكتر حاجة بتميز الكلية عن غيرها واكتر حاجة بتأثر فى شخصية طالب الكلية وبتميزه عن غيره بعد التخرج ، عشان تتميز فى الكلية خد بالك من الانشطة اللى تنمى شخصيتك ونمى ثقافتك وخد بالك من الدراسة ، اكتر حاجة اثرت فيا كانت نماذج المحاكاة لانها بتنمى مهارات القيادة والثقة بالنفس ودة بالظبط اللى محتاجه خريج الكلية بعد التخرج عشان يشتغل فى المؤسسات السيادية اللى هى المجال الطبيعى لكليتنا بعد التخرج بدأ يبقى جوايا قلق ياترى اية المدخل للشغل فى السياسة وجت من عند ربنا لما طلب رئيس المجلس من كليتنا ترشيح مجموعة للعمل فى المجلس ودخلنا اختبارات وعملنا الانترفيو النهائي مع رئيس المجلس والحمدلله دخلنا المجلس وكنا 5 من الكلية عشان كدة دايما بقول اعمل اللى عليك وسيب الباقى دة بتاع ربنا اجتهد وطور نفسك قد الامكان وسيب الباقى دة لربنا هيجيبها لحد عندك وخليك فخور انك فى كلية عريقة زى كليتنا لانها فعلا كلية عظيمة وخريجيها موجودين فى احسن الاماكن فى البلد ومحل ثقة كبيرة اوى من المؤسسات اللى بيشتغلوا فيها ربنا معاكم ويوفقكم ولو احتجتم اى حاجة احنا موجودين فى اى وقت بالتوفيق دايما.
 

كتبت:- هدير عادل
 البساطة في المظهر الخارجي
ممكن كل بنت تكون جميلة علي طريقتها ..ونسبة كبيرة من الجمال ده تتلخص في الجمال الداخلي " الروح " , طيب خلينا نقول باسلوب سهل الفهم الجمال نسب وربنا خلق الجمال في كل حاجة حوالينا ..خلق الوردة الحمرا والصفرا والروز والزرقا ..نوع ما بين الفاتح والغامق ...لو تاملنا في الكون حوالينا هنلاقي الطويل والقصير, وكل منهم بيناسب المكان اللي هو فيه ..يعني انا شخصيا بترجم خلق ربنا للشجر الطويل علي سبيل المثال لصد الرمال والاتربة وحتي في اوقات بيكون اختلاف الاطوال ده رحمة للكائنات اللي بتتغذي عليها زي الزرافه مثلا.
اللي اقصد اوصلهولكم بالمقدمة دي ان مفيش حاجة ثابتة او معيار واحد محدد للجمال ..او ان في حد حلو وحد لا ..في حاجة اسمها انسان مهندم و نظيف مقبول..وفي انسان مهمل في نفسه ومظهره غير مقبول. وبرضو لازم ناخد في اعتبارنا ان اللي يعجب حد مش ضروري يعجب التاني ..وعشان كده لازم نحترم بعض ..يعني لو واحدة بتلبس زي ما بتقول " اخر موضة " وبتشوف واحدة وتقول عليها " بلدي او مبتعرفش تلبس او غيره من الالفاظ اللي بتجرح غيرنا واحنا منعرفش ايه ظروفه مثلا ,,,عشان كده خلونا نتفق علي قاعدة مهمة جدا وهي 

قاعدة رقم 1 : كل واحد يخليه في حاله انت متعرفش اللي قدامك جواه ايه او هو شايف ايه ولو متقدرش تساعده بالنصيحة المهذبة اللي متجرحهوش بلاش نظراتك وكلامك عليه 

وقاعدة رقم 2 : لاي حد نفسه يكون بمظهر جميل قدام الناس ,,نصيحة خليك جميل داخليا كمان عشان ده ضروري ليك ولغيرك.
وقاعدة رقم 3 : ثق بنفسك اولا واخيرا,,هدومك ومظهرك الخارجي دي مكمل ليك ولشخصيتك , لكن مش هي دي بس انت ..انت فيك وبايدك حاجات تانية كتير.
وقاعدة رقم 4 : احرص دايما انك تكون لابس لبس بتحبه وبترتاح فيه ..واختار خامات جيدة ومش شرط يكون لبسك غالي عشان يبقي حلو بشوية اهتمام منك بالخامات اللي بتنقيها. وبنظافة وكي اللبس هتبقي اخر تمام.
وقاعدة رقم 5 : في ناس ممكن يكون عندها مشكلة بسيطة جدا وهي " الالوان "..عاوز تلبس لبس متناسق خليك مع الطبيعة بص للاشجار مثلا وهتعرف الالوان اللي تمشي مع بعضها ( الاخضر مع البني ) ..وشوف بقي الورد عالشجر كمان وده بالاخص للبنات من الوان الورود .
قاعدة رقم 6 : احرص عالتنوع في اختيارك للبسك , يعني مش كل ما تنزل تشتري تجيب نفس اللوك او الخامة او حتي اللون .. خلي عندك طقم للمناسبات الرسمية والاجتماعية وللرياضة وبالنسبة للجامعة مفيش منع نزود حاجة بسيطة في الكاجوال وكلنا عارفين مدي احترامنا ليه
قاعدة 7 : مش مرتبطة اوي باللبس ..بس مادمنا بنتكلم عنه وعن المظهر الخارجي وازاي هو مهم ..يا ريت متنساش كل يوم قبل ما تنزل من بيتك تكون مجهز بسمتك ايون دي " تبسمك في وجه اخيك صدقة " ..وخليك ايجابي بلبسك وبتعاملاتك وبابتسامتك حتي لو جواك هموم الدنيا كلها ...وخدها نصيحة اخيرة ..مفيش حاجة تستاهل وحاول تتبسط باي شئ ولو بسيط ..ولو بالالوان وباللبس ومتنساش الطبيعة دور عليها و" تبت "او امسك فيها ..كل ده هيفرق معاك كتير..صدقني

كتبت :- هدير عادل 

هذا الفن كان ولا يزال ذاكرة للامة واداة للتواصل بين الشعوب المختلفة, فأحينا نجدها وسيلة للتعبير عن الاراء..وحينا اخرنجدها مناديا للانسان, ومهما اختلف الناس حولها الا انهم سيتفقون علي الابداع ..فالخالق سبحانه هو المبدع الذي وهبنا روح التذوق لما هو جميل فنجد فيما حولنا صورا تستحق التامل لما تحمله من رسائل الخالق لمخلوقاته بمخلوقات اخري متحركة وساكنة لنتأمل.

ومن خلال هذه المقدمة اود ان اعرض عليكم نوعا جديدا من الفنون وهو الرسم بالرمال, وهذا الفن لا يحتاج سوي حفن من الرمال علي لوح زجاجي مضاء بمصابيح اسفله و اخيرا ابداعك انت ! ..فكما يقال في هذا الموضوع انه فنا للرسوم المتحركة "Sand Animation " يعبر من خلاله عن افكار مختلفة بل وقضايا كاملة في صورة مشوقة بالتاكيد ..واود ان اضرب مثلا هنا بالفنان الفلسطيني "احمد حبش " الذي استغل هذا الرسم في التعبير عن قضية وطن , جدير بالذكر انه واحدا من اشهر فناني هذا النوع من الرسم في العالم وهذا مما يدعم اهمية هذا الفن و فيما يلي ساعرض فيديو رائع حقا ويستحق الاهتمام لاهمية العمل الذي يضمنه وهو جزء من عرض بعنوان " ذاكرة التراب "

 وشاهد ايضا..

كتبت :- نسمة شوقي 

الاتيكيت فى  العمل

الإتيكيت لا يعني التصنع والتمثيل وإنما أن تتصرف على طبيعتك وبحرية ضمن حدود الذوق والآدب وإستخدام العبارات المناسبة

كثيرا ما يقع الإنسان في حيرة قبل زيارة مسئول كبير، أو رئيس العمل، ويردد بعض التساؤلات الخاصة بإتيكيت الزيارة من طريقة جلوس، وتوقيت حديث...

ينصح - عند زيارة رئيس العمل باتباع قواعد الإتيكيت التالية:

- الحرص على الوجود في الموعد المحدد في مكتب المسئول أو قبله بربع ساعة.

- عدم مد يده لمصافحة المسئول قبل أن يمد المسئول يده.

- لا يجلس قبل أن يأذن له بالجلوس، ويكون في جلسته محافظًا على آداب الجلوس بحيث تكون ساقاه ملتصقتين

- لا يبدأ بالكلام ما لم يبدأ المسئول.

- يكون الزائر أثناء الزيارة مستمعًا أكثر من متكلم.

- عندما يقدم للزائر القهوة أو العصير أو غير ذلك لا يبدأ بتناولها قبل أن يبدأ المسئول بتناولها.

- يجب ألا تتجاوز مدة الزيارة عشر دقائق، وقبل انتهاء الزيارة بدقيقتين يستأذن الزائر بالانصراف.

- يخرج الزائر من مكتب المسئول مع حرصه على أن يكون وجهه باتجاه المسئول مسيرة خطوتين، ثم يكمل طريقه بصورة عادية.

كتبت :- ابتسام سعيد

لما قشر الموز يكون هو اللوحة والدبوس هو القلم يبقى اية ؟؟؟؟؟؟

 يبقى الرسم على الموز ازاى دية يا فنانين انتم نازلين رسم على الحيطة رسمين على الورق رسمين على المناديل رسمين حتى على الموز كمان ايوة الموز متستغربوش تعالوا معايا نعرف مع بعض اية اصل الحوار بص كدا على دية 

   طيب اية الحوار دلوقتى لسة مستغربين ولا الدنيا بقت لذيذة دلوقتى طيب اية حكايته يعنى الرسم دا ؟؟؟؟؟ بص ياسيدى الرسم دا اسلوب جديد يستخدمه الفنان اليابانى Daisuke skagami

 فى الرسم فبياخد من الموز لوحة له بدلا من الاقمشة والاوراق ويستعين بالدبابيس بدلا من الاقلام وتعتمد تقنية الرسم دا على احداث ثقوب  ضغيرة على قشرة الموز مما يؤدى الى اكسدة المركبات الكميائية فى القشرة فبالتالى يتغير لونها

   ويقول الفنان البالغ من العمر 40 عاما ان كل رسمة تستغرق ما بين الخمس ساعات لكى تكتمل, ولكن على الرغم من الجهد اللى بيعمله الفنان دا الا انه مش بيقدر يحتفظ باعماله لمدة طويلة لان عمر قشر الموزة يومين فقط قبل ان تذبل ,علشان كدا هو بيحاول يدور على سبل للحفاظ على الموزطازجا  لمدة اطول بس كدا ادينا عارفنا نوع جديد من الفن واتمنى انكم تكونوا استمتعتم بالفن الجديد دا 

 وللمزيد يمكنك مشاهدة الفيديو