فانوس رمضان

كتبت :- زينب هشام 

بما اننا ف رمضان ف اول حاجه اكيد هنكلم عنها هى رمز رمضان الشهير عندنا ف مصر و اكيد فى دول كتيرة تانية وهو الفانوس..
فانوس رمضان فى قصص وحكايات كتيرة عن اصله التاريخى و من اكتر حاجات مشهورة عنه:

أن الخليفة الفاطمي كان يخرج إلى الشوارع  ليلة الرؤية عشان يستطلع هلال شهر رمضان، وكان الأطفال بيخرجو معاه عشان اضاءة الطريق.كان كل طفل معاه فانوسه ويبدأ بقى الاطفال بالغنى استعداد واحتفال بشهر رمضان.

وقصة تانية ان واحد من الخلفاء الفاطميين كان عايز ان شوارع القاهرة تكون مضاءة طول شهر رمضان فأمر شيوخ المساجد بتعليق الفوانيس

زمان بقى كنا واحنا اطفال ناخد الفوانيس وننفضل نغنى واحنا فى سعادة كبيرة بحلول رمضان..زمان ايام ما كان الفانوس بشمعه وكان فى براءة اطفال..

دلوقتى بقى مع التقدم السرييييييع فى التكنولوجيا اتغيرت شطل الفوانيس كتييييير عن زمان بقت على هيئة شخصيات كرتونية او العاب اطفال بمعنى اصح مبقاش الفانوس بتاع زمان اللى تشوفه تحس انك فعلا فى رمضان
ومع جيل الاطفال الذهبى اللى تقريبا براءته قربت تنعدم بسبب طبعا التليفزيزن والنت واالحاجات دى كلها طبعا عمر الاطفال ما هايفهمو قيمة فانوس زمان بقى يهمهم شخصيات واحداث العصر وطبعا ده مع غزو الاسواق بالفوانيس الجديدة واغراء الاطفال...